Мариус Линдвик го освои златото во ски-скокови во Пекинг

Maриус Линдвик триумфираше во ски-скокови на големата скокалница во Пекинг.

Со овој триумф тој и го донесе на Норвешка првото злато во индивидуална конкуренција уште од 1964 година. До златото Линдвик стигна со фантастичниот скок во втората серија од 151.3 метри.

Во првиот обид прескокна 144.8 метри и собра вкупно 296.1 поени. Рјоју Кобајаши од Јапонија кој беше прв фаворит мораше да се задоволи со среброто, трет беше Карл Гајгер од Германија.