Како Ливерпул го „украде“ Дијас пред носот на Тотенхем

Новото засилување на Ливерпул, Луис Дијас сонувал да игра во тимот на Јирген Клоп, откри таткото на фудбалерот, Мануел Дијас.

Тотенхем исто така направи обид да го ангажира Колумбиецот од Порто, но тој сепак се одлучи да се пресели во Ливерпул.

Мануел Дијас откри дека „спарси“ биле колебливи, па „црвените“ успеале да ги победат во трката за потписот.

„Имаше многу кандидати за потписот на Дијас, но тој сонуваше да потпише за Ливерпул бидејќи е елитен клуб. После првиот меч против Ливерпул ми кажа дека тоа е одличен тим и би сакал да игра таму. Тотенхем исто така покажа силен интерес, но беше колеблив, па Ливерпул ги победи во трката“, изјави Мануел Дијас.