Италијанските клубови се „заљубија“ во новиот француски талент

Напаѓачот на Ремс е новата француска ѕвезда која го привлече вниманието на многу европски гиганти.

Екитике има само 19 години, а оваа сезона блеска во дресот на Ремс и на 19 меча веќе постигна 10 гола и запиша 3 асистенции.

Скаутите на многу европски гиганти ги следат неговите настапи, а експертите му предвидуваат голема кариера.

Екитике е централен напаѓач, но може да игра и како крило, а најсилен интерес за него покажуваат италијанските гиганти Милан и Интер.

„Росонерите“ веќе стапиле во контакт со неговиот агент и спремаат понуда за да го донесат на „Сан Сиро“.