Роналдо: Мбапе во Реал ќе заработува 50 милиони евра годишно? Играв во погрешно време

Бразилецот Роналдо Назарио беше фантастичен фудбалер, можеби и најдобар во својата генерација, но денес фудбалерите заработуваат огромни суми, тоа не беше случај во минатото.

Роналдо денес е сопственик на шпански Реал Ваљадолид, а во разговор за шпанските медиуми зборуваше и за најавениот трансфер на Мбапе во Реал Мадрид. Вчера германски „Билд“ објави дека се е завршено околу трансферот на Мбапе Реал и дека Французинот ќе заработува 50 милиони евра годишно.

„Мбапе е фантастичен, има неверојатна брзина и одлична завршница. Очекувам во еден момент сигурно да биде најдобар во светот. Прочитав дека оди во Реал и ќе заработува 50 милиони евра годишно. Ние игравме во погрешна генерација. Фудбалската индустрија пребрзо расте“, изјави Роналдо.