Eлиминирани светските шампиони: Шпанија е првиот финалист!

Селекцијата на Шпанија приреди мало изненадување во првото полуфинале на Европското првенство. Данска беше мал фаворит пред мечот, но на крајот се радуваа Шпанците.

Тргна натпреварот подобро за Данска, водеа скоро цело прво полувреме во еден момент имаа и предност од четири гола. „Фуријата“ успеа да се врати и на полувреме да замине со минус еден (13:14).

Ако првото полувреме и припадна на Данска целосно спротивно беше во второто. Шпанија играше една цврста одбрана, а Хансен и друштвото изгледаа збунети, немаа решение за фантастичниот Перез Де Варгас.

Првото водство на Шпанија беше со 17:16 и од тој момент не го испуштија за на крај да слават со највисоките кои ги имаа во мечот плус четири (29:25). Перез Де Варгас го заврши натпреварот со 13 одбрани.

За играч на натпреварот беше избран Алеиш Гомез Абелјо кој постигна 13 гола. Хансен кај Данска беше стрелец на осум гола.