Меси се врати во Барселона, се сретна со Чави и двајца поранешни соиграчи 📸

Лионел Меси ги одигра последните 20-тина минути од дуелот со Ремс кој ПСЖ го доби со 4:0, а после тој натпревар Аргентинецот се упатил во неговиот втор дом.

На заминувањето од Барселона Меси истакна дека Барселона секогаш ќе биде неговиот втор дом и со задоволство ќе се враќа во градот каде што ги помина најдобрите денови од кариерата. Аргентинецот во Барселона има и голем број пријатели.

Сега Меси ја искористи паузата во националните првенства за да се сретне со старите пријатели. Аргентинецот е фотографиран на вечер во луксузен ресторан во Барселона заедно со Чави, Бускетс и Жорди Алба.

Средбата како што пишуваат медиумите во Шпанија била по повод 42-роденден на Чави.

📸 FOTOS EXCLUSIVAS MD: La cena de Messi en un restaurante de Barcelona con Xavi, Busquets y Albahttps://t.co/zYQ0Exsnux pic.twitter.com/b7XcaDBSSB

— Mundo Deportivo (@mundodeportivo) January 25, 2022