Мурињо после Суперкупот: Првиот гол Реал го постигна од офсајд

Жозе Мурињо, првиот човек на клупата од Манчестер Јунајтед, на пресконференцијата после дуелот со Реал Мадрид во Суперкупот, посочи еден момент кој според него влијаел врз конечниот резултат и поразот од Реал (1:2) во Суперкупот, но напомена дека неговите играчи не треба да бидат разочарани.

Реал на „Филип Втори“ славеше со головите на Каземиро во првото и Иско во второто полувреме, а единствениот гол за Јунајтед го постигна Лукаку.

Сепак, според Мурињо, првиот гол бил постигнат од офсајд и тој момент го одредил понатамошниот тек на натпреварот.

„Еден од нивните голови беше постигнат од офсајд. Да постоеше ВАР системот на овој натпревар резултатот ќе беше 1:1“, рече Мурињо, дополнувајќи дека неговите играчи му пружиле достоен отпор на Реал.