Готово: Барселона го исфрли Дембеле од тимот

Напаѓачот на Барселона, Осман Дембеле нема да патува со тимот за Билба и не е во конкуренција за мечот со Атлетик од осминафиналето на шпанскиот Куп.

Французинот  не е повреден, но веројатно нема да игра повеќе за Барселона додека не стави потпис на нов договор, бидејќи му истекува на крајот на сезоната.

Раководството пред два дена му постави ултиматум, ако не ја продолжи соработката ќе биде исфрлен од тимот.

Клубот го загуби трпението со Дембеле, кој не ја прифати понудата и поктрај ултиматумот. Вчера двете страни имале последна средба, на која не се стигнало до договор.

Чави изјави дека Дембеле ако не стави потпис на нов договор треба да биде продаден до крајот на преодниот рок.

𝑺𝑶𝑴-𝑯𝑰 𝑬𝑸𝑼𝑰𝑷 ! pic.twitter.com/woUkKxFefP

— FC Barcelona (@FCBarcelona) January 20, 2022