Начевски и Николов ќе судат на дербито во групата „Д“

Македонските судии Ѓорѓи Начевски и Славе Николов ја добија втората задача на Европското првенство во Унгарија и Словачка.

Начевски и Николов ќе го судат дербито кое се игра во Братислава помеѓу Германија и Полска, ова е дуел кој решава за првата позиција во групата. Двете селекции забележаа по две победи.

Претходно македонската судиска двојка ја делеше правдата на мечот меѓу Словачка и Литванија.