Затоа Барселона го сака: Димитриевски на врвот во Ла Лига по успешноста на одбранети удари!

Maкедонскиот голман Столе Димитриевски игра фантастична сезона во дресот на Рајо Ваљекано, а доказ за тоа е и интересот од Барселона за кој утрово пишуваа шпанските медиуми.

И има причина да има интерес за Димитриевски. Во овој момент македонскиот голман е на врвот на листата во успешноста на одбранети удари од првата половина на сезоната.

Димитриевски е на процент од 80.6% одбранети удари, а зад него Унаи Симон од Билбао со 80%, потоа следи Јасин Бону од Севиља (78.6).

Од повеќе познати имиња Тибо Куртоа е четврти додека Јан Облак изненадувачки е на дури 22. место на оваа табела.