Борусија го потврди интересот на Реал Мадрид за Халанд

Ханс-Јоаким Ватцке, извршниот директор на Борусија Дортмунд, во интервју за „Билд“ го потврди големиот интерес за Ерлиг Халанд.

Халанд е еден од најбараните фудбалери во светот и европските гиганти се „тепаат“ за неговиот потпис.

Медиумите веќе подолго време пренесуваат дека Реал Мадрид покажува најсилен интерес и дека е во пол-позиција за неговиот потпис.

„Каде и да одите сите зборуваат за Халанд. Знам дека најдобрите европски клубови го сакаат, особено Реал Мадрид. Нивниот интерес е потврден. Можеме да наведеме најмалку 25 други тимови кои се заинтересирани за него, тоа е факт“.

„Раиола е многу паметен, знае што прави. Сметам дека еден ден шпанската лига повеќе ќе му одговара отколку Премиер лигата. Генерално, би сакал да остане тука и да се развива уште повеќе“, изјави Вацке.