Челзи не се откажува од Кунде

Раководството на Челзи продолжува да ја следи ситуацијата со дефанзивецот на Севиља, Жил Кунде, иако не успеа да го донесе во летниот преоден рок.

Францускиот репрезентативец има договор со шпанскиот клуб до 2024 година во кој има откупна клаузула од 68 милиони фунти.

Токму тоа е цената која Севиља ја бара за слободата на Кунде, и минатото лето одби две понуди од Челзи.

Се поизвесно е дека „сините“ на лето ќе останат без Рудигер, па Кунде ќе биде примарна трансфер цел. Самиот играч сака преселба во Премиер лигата и инсистира да се пресели во Челзи.

„ЕСПН“ тврди дека Челзи уште во јануари ќе започне преговори со Севиља за Кунде, но многу поверојатно е трансферот да се реализира на лето.