Џерард најави: Во Астон Вила ќе се гледа и дали играчот е вакциниран пред да се доведе

Менаџерот на Астон Вила најави дека овој клуб ќе ја зема во предвид вакцинацијата пред доведувањето на фудбалери во јануарскиот преоден рок.

Јануарскиот преоден рок само што не пристигнал, а новиот менаџер на клубот од Бирмингем јасно пренесе на кој начин Вила ќе работи во овој период.

„Ќе водиме сметка при доведувањето на играчи. Значи, сигурен сум дека и на ова прашање ќе внимаваме, но очигледно ќе пресечеме ако заклучиме дека одреден фудбалер може да не направи подобри“, изјави Џерард за „Гардијан“.

Нагласи дека вакцинацијата нема да има пресуден фактор, но дека ќе има влијание.

„Не мислам дека е во ред сега да коментирам дали ќе доведам или не невакциниран играч, меѓутоа во позадина сигурно дека би разговарале“, порача поранешниот фудбалер на Ливерпул.