Дали Виљареал сакаше да го провоцира Чави пред натпреварот?

Фудбалерите на Барселона во саботата на гости го победија Виљареал со 3:1 во рамките од 15. коло во шпанската Ла Лига.

Во саботата гледавме навистина возбудлив натпревар помеѓу Виљареал и Барселона, а на крајот Каталонците победија со 3:1, иако не одиграа баш блескав натпревар. Барса до победата дојде во самиот финиш кога Мемфис Депај погоди за 2:1, а Кутињо ги постави конечните 3:1 во судиското продолжение.

Шпанските медиуми денес пишуваат дека од Виљареал се обиделе да го испровоцираат Чави пред почетокот на мечот кога на големиот екран случајно или намерно се појави фотографија од Роналд Куман кого Чави го наследи.