Познато првото засилување на Рангник во Јунајтед

Новиот тренер на Манчестер Јунајтед, Ралф Рангник сака да ја засили одбраната во зимскиот преоден рок.

Најголема желба на „црвените ѓаволи“ е дефанзивецот на Лил, Свен Ботман, и ќе се обидат да го донесат уште во зимскиот преоден рок.

Станува збор за 21-годишен дефанзивец кој ги мина сите младински категории на Ајакс, а една сезона помина на позајмица во Херенвен. Во Лил пристигна во јули 2020 година и уште во првата сезона се наметна во еден од клучните играчи на тимот.

Рангник верува дека Ботман одлично ќе се вклопи во неговиот стил на игра и ќе биде идеален партнер на Варан во одбраната.

Манчестер Јунајтед е спремен да му ја исполни желбата и спремил понуда од 30 милиони фунти.