Манев му „асистираше“ на Калулу: Франција до минимален триумф во Скопје

Македонската фудбалска репрезентација до 21 година денес на Арената „Тодор Проески“ го одигра натпреварот од квалификациите за Европското првенство против Франција.

Франција беше апсолутен фаворит пред натпреварот и таа улога ја оправда на теренот. Иако победија со минимален резултат сепак Франција од почетокот до крајот на мечот доминираше и ја контролираше играта. Денковски на голот запиша неколку одлични интервенции.

Првото полувреме помина без голови.

Одлучувчакиот момент на натпреварот се случи во 75. минута кога Јован Манев од Брегалница погреши во дефанзивата и му „асистираше“ на фудбалерот на Милан, Калулу на кој не му беше тешко да го совлада Денковски.

До крајот на натпреварот гледавме иста слика на теренот, Франција ја држеше топката во свој посед и не ни дозволуваше ниту да се доближиме до нивниот гол.

🎥 | Kalulu’s goal for France U-21 against Macedonia pic.twitter.com/kDHSbeso3s

— Milan Eye (@MilanEye) November 16, 2021