Милан го сака промашувањето на Манчестер Јунајтед

Играчот на Манчестер Јунајтед, Дони ван де Бек е спремен да го напушти клубот во јануари бидејќи не е задоволен од својот статус во тимот.

Холанѓанецот минатото лето пристигна на „Олд Трафорд“, но не успеа да го покаже својот потенцијал во првата сезона и често ја грееше клупата за резерви.

24-годишниот играч за врска е уморен да чека шанса на „Олд Трафорд“, па веќе започнал да бара нов клуб, а таквата ситуација сака да ја искористи Милан.

„Росонерите“ играат одлично и се на врвот на табелата во Серија А, но сакаат да го засилат тимот во јануари, а Ван де Бек е една од најголемите желби.

Милан ќе се обиде да го донесе играчот на позајмица во јануари со право на откуп на крајот на сезоната.