Ништо од изненадување, Алборг го победи Вардар

Ракометарите на Вардар го запишаа вториот пораз во Лигата на шампиони, откако вечерва беа поразени од Алборг со 33:29.

Алборг почна фуриозно, со водство од 3-0, но Вардае се врати, дури во два наврати имаше и водство, но домаќините на одмор заминаа со предност од еден гол (17:16).

Првите пет минути од вториот дел беа најлошиот период за „црвено-црните“, кога актуелниот европски вицепрвак поведе со 21-14. Вардар не успеа да се врати во натпреварот и да направи изненадување, па на крајот загуби со 33:29.

Најефикасен играч на теренот беше Тимур Дибиров со девет гола, шест даде Кевин Њокас, додека солидна партија меѓу стативите имаше Мартин Томовски кој забележа девет интервенции.