Лукас Хернандес денес се појави во Судот во Мадрид

Францускиот репрезентативец поради семејно насилство во 2017 година треба да оди во казнено-поправен дом.

Хернандес требаше утре да дојде во Судот во Мадрид, но тој денес се појави доброволно, а треба да биде примен зад решетки во наредните 10 дена.

Неговите адвокати се обидуваат да го спасат од затвор и веќе подготвиле нова жалба, но не е сигурно дека Судот ќе успее да ја разгледа до 29 октомври, крајниот рок за влегување на играчот во затвор.

Хернандес денес се појави во Судот за да ги избегне новинарите и да има време да се подготви за мечот со Бенфика.