Изненадување: Пјаниќ се сели во Фиорентина

Миралем Пјаниќ сигурно ќе ја напушти Барселона до крајот на преодниот рок, а најверојатно кариерата ќе ја продолжи во Серија А.

Пјаниќ сака да се врати во Јувентус и „бјанконерите“ важеа како фаворити за неговиот потпис.

Босанецот прифати 20% намалување на платата за да се врати во Торино, но Јувентус сега одбива да го донесе бидејќи не успеа да се ослободи од Рамзи.

Интерес за плејмејкерот покажуваа уште Рома и Наполи, но и тие не се спремни да го донесат поради високата плата.

Последен клуб кој се вклучи во трката за неговиот потпис е Фиорентина, која веќе ги започна преговорите.

„Виолетовите“ го сакаат на едногодишна позајмица и да плаќаат 4,5 милиони евра од платата, а останатите 2,5 милиони да ги плаќа Барселона.