Јувентус се вклучи во трката за Иско

Реал Мадрид е спремен да се раздели со Иско ова лето и го стави плејмејкерот на трансфер листа.

Иско го загуби местото во стартниот тим, Анчелоти не го гледа како стартер, па во Реал сметаат дека треба да се ослободат од неговата плата која изнесува 7 милиони евра.

Притоа, Иско влезе во последната година од договорот, па ова е последна можност Реал да заработи на неговиот трансфер.

Најсилен интерес за Шпанецот покажува Милан, но сега во трката за неговиот потпис се приклучи и Јувентус, бидејќи Иско е голема желба на Алегри.

Реал Мадрид постави цена од 20 милиони евра и очекува понуди за шпанскиот плејмејкер.