Лапорт сака да го напушти Сити, Реал и Барса чекаат

Дефанзивецот на Манчестер Сити, Емерик Лапорт сака да го напушти англискиот шампион, пренесува „АС“.

Барселона и Реал Мадрид покажуваат силен интерес за Лапорт, но Каталонците се во тешки финансиски услови и неможат да ја платат сумата која ја бара Сити за неговата слобода.

Поранешниот дефанзивец на Билбао одигра одлично на Европското првенство и сака да се врати во Шпанија.

Во Сити го изгуби првотимскиот статус и побарал од раководството да му биде дозволен трансфер.

„Граѓаните“ за неговиот потпис платиија 65 милиони евра, па не сакаат да го пуштат за помалку од 50 милиони евра.