Абрамович спреми богата понуда за Левандовски

После освојувањето на Лигата на шампиони минатата сезона, сопственикот на Челзи, Роман Абрамович е спремен да донесе едно спектакуларно засилување.

Тренерот Томас Тухел бара врвен напаѓач, а раководството е спремно да му ја исполни желбата.

Поради потешкотиите да дојдат до потписот на Ерлинг Халанд, „сините“ ќе се насочат кон друга ѕвезда од Бундеслигата.

Англиските медиуми пренесуваат дека Челзи започнал преговори со агентот на Левандовски и спремил понуда од 50 милиони фунти.

Левандовски влезе во последната година од договорот со Баерн, но не сака да ја продолжи соработката бидејќи сака да ја промени средината.

Баерн не сака да го загуби Полјакот без обештетување, па ќе размисли да ја прифати понудата со која ќе може да финансира доведување на друг напаѓач.