Спортските сали им се враќаат на клубовите

Дел од спортските сали во изминатите месеци се користеа како пунктови за масовна вакцинација, но сега тие ќе се вратат на спортистите.

„Борис Трајковски“ и „Билјанини извори“ во Охрид ќе ги отворат вратите за клубовите кои ќе започнат со подготовките за новата сезона. Дел се уште ќе се користат за имунизација, соопштија од Министерството за здравство, но не се прецизираше на кои се мисли.

Тоа што салите се претворија во пунктови за имунизација за некои клубови беше проблем во финишот од минатата сезона.