Сити сака да го „украде“ Варан пред носот на Јунајтед

Манчестер Сити се вклучи во битката за потписот на дефанзивецот на Реал Мадрид, Рафаел Варан.

28-годишниот дефанзивец се очекува да го напушти Реал Мадрид ова лето, откако одби да го продолжи договорот.

До сега како фаворит за неговиот потпис се сметаше Манчестер Јунајтед, но „граѓаните“ сакаат да ја добијат битката за градскиот ривал.

Јунајтед наводно веќе има договор со Варан, но проблем е што не е спремен да плати 70 милиони евра колку што бараат „кралевите“.

Таквата ситуација сака да ја искористи Манчестер Сити и наскоро ќе испрати официјална понуда за Варан.