Познати сите парови во осминафиналето, мега-дуел помеѓу Англија и Германија

Заврши групната фаза на Европското првенство кое се игра од 11. јуни до 11. јули.

Откако вечерва Германија и Унгарија одиграа 2:2, исто како и Франција со Португалија, познати се сите парови во осминафиналето на Европското првенство.

Најголемо внимание привлекува дуелот помеѓу Англија и Германија на Вембли, како и Хрватска против Шпанија во Копенхаген.

Франција во Букурешт ќе игра против Швајцарија а Португалија ќе се сретне со Белгија во Севиља. На Вембли ќе играат Италија против Австрија, додека Велс и Данска ќе се соочат во Амстердам.

Возбудувања се очекуваат и на натпреварот Холандија – Чешка кој се игра во Будимпешта.

Натпреварите се играат на 26, 27, 28 и 29 јуни. Секој ден ќе има по два натпревари на програмата. Најпрвин следува два дена пауза, а потоа започнува нокаут фазата и највозбудливиот дел од ова натпреварување.

Натпревари во осминафиналето:

Велс – Данска
Италија – Австрија
Холандија – Чешка
Белгија – Португалија
Хрватска – Шпанија
Франција – Швајцарија
Англија – Германија
Шведска – Украина