Дембеле оди на операција, Барса од ФИФА добива 20.548 евра на ден

Осман Дембеле заработи повреда на Европското првенство во дресот на Франција и сега ќе мора да оди на операција.

Дембеле го повреди коленото на дуелот со Унгарија, а деталните прегледи покажаа дека мора да оди на операција, поради која ќе биде надвор од терените до неомври.

24-годишниот Французин често е надвор од терените поради повреди, особено откако пристигна во Барселона во 2017 година.

Барселона според правилникот на ФИФА ќе добива отштета на дневна основа. За секој играч кој ќе се повреди за време на репрезентативна обврска клубот дневно добова по 20.548 евра, најмногу до една година.

Дембеле годишно заработува 12 милиони евра, односно околу 46.000 евра на ден, па Барселона ќе добие финансиска помош за неговата плата.