Солскјер во Италија најде партнер за Мегваер

Приоритет на Манчестер Јунајтед во летниот преоден рок ќе биде доведување на врвен дефанзивец, а тој најверојатно ќе пристигне од Серија А.

Според информациите од Островот прва мета е Кристиан Ромеро од Аталанта, за кого Јунајтед е спремен да плати 50 милиони евра.

Аргентинецот одигра одлична сезона сезона во Бергамо и беше избран за најдобар дефанзивец во Серија А. Аталанта има опција да го откупи неговиот договор за 16 милиони евра и веќе го известила Јувентус дека ќе ја активира откупната клаузула.

Солскјер верува дека Ромеро ќе биде идеален партнер на Мегваер и веќе стапиле во контакт со неговиот агент. За неговиот потпис се спреми да понудат 50 милиони евра, сума која Аталанта нема да може да ја одбие.