Тричковски: Докажавме дека сме зрели за вака големо натпреварување

Репрезентацијата на Македонија на 13-ти јуни во Букурешт го игра првиот натпревар против Австрија на Европското првенство.

Иван Тричковски ги сподели своите очекувања од натпреварот кој ужива во припремата на натпреварот и вели дека притисокот го претвориле во мотивација.

„Настап на едно вакво големо натпреварување е остварување на сонот на цела нација. Треба да продолжиме таму каде што застанавме. Ќе го дадеме максимумот на секој натпревар и ќе се бориме до крај за дресот со државен грб. Селекторот секогаш го има последниот збор, тој одлучува кои 11 фудбалери ќе го започнат натпреварот. Атмосферата во националниот тим е одлична. Сите со нетрпение очекуваме да започне првенството“, истакна Тричковски.

„Точно е дека загубивме двапати од Австрија, но тие порази може само да не мотивираат, по тие мечеви се консолидиравме и почнавме да играме подобро, дојдоа подобри резултати. Покажавме дека сме зрели за вака големо натпреварување“, додаде Тричковски.

Фото: ФФМ