Анчелоти му ја отвори излезната врата на Јовиќ

Лука Јовиќ последните шест месеци ги помина на позајмица во Ајнтрахт Франкфурт и се врати во Реал Мадрид.

Српскиот голгетер пред две години пристигна на „Сантиаго Бернабеу“ за 60 милиони евра, но воопшто не ги оправда очекувањата.

Јовиќ не добиваше минутажа кај Зидан и беше испратен на позајмица, но работите за него нема да се променат ниту со новиот тренер.

Шпанските медиуми пренесуваат дека Анчелоти нема да смета на него и му порачал на раководството да го стави на трансфер листа.

За него постои интерес од некои италијански и англиски клубови, но јасно е дека Реал нема да може да ја врати вложената сума за него.