Милан сака уште една ѕвезда на Лил

Италијанските медиуми пренесуваат дека португалскиот играч за врска, Ренато Санчез е главна трансфер цел на Милан.

Ренато Санчез важеше за најголем европски талент, направи трансфер во Баерн каде не се снајде.

Португалецот ја „оживеа“ својата кариера во Лил, каде веќе втора сезона игра фантастично и го привлече вниманието на многу европски гиганти.

Тренерот на Милан, Пиоли бара квалитетно засилување за средниот ред бидејќи „росонерите“ следната сезона ќе играат во Лигата на шампиони.

Милан веќе стапил во контакт со неговиот агент Жорге Мендеш и е спремен да плати 30 милиони евра за неговиот потпис.

Милан и Лил имаат одлични односи и пред неколку дена го договорија трансферот на голманот, Мајк Мањан.