„Кога Македонија ја победи Германија, зошто ние да не ја победиме Австралија?“

За победата на Македонија над Германија слушна целиот свет, а доказ за тоа е и последната изјава на селекторот на Непал, Абдулах Алмутари.

Имено, селекторот на Непал ја искористи победата на Македонија како мотивација за неговите фудбалери кои наредниот месец ќе играат со Австралија во мундијалските квалификации.

„Кога Македонија ја победи Германија, зошто ние да не ја победиме Австралија? Ако седиме во шеснаесетник и само се браниме тогаш сигурно дека ќе изгубиме, но ако играме офанзивно и напаѓачки тогаш се е можно. Нема да е срамота ако изгубиме од Австралија затоа и нема што да изгубиме. Македонија против Германија покажа дека ако играте на победа против кого и да е се може да се случи“, изјави Алмутари.