Лапорта: Преговорите со Меси течат добро, но нема потписи

Претседателот на Барселона, Жоан Лапорта денес имаше пресконференција на која зборуваше за многу теми.

Меѓу другото Лапорта зборуваше и за иднината на Лео Меси и потврди дека преговорите за нов договор се започнати.

„Мојата порака до фановите на Барса е да имаат трпение, оптимизам и увереност дека следната сезона ќе биде успешна. Знаеме дека иднината на Меси е од интерес за сите. Ние испративме понуда, преговорите течат добро, но нема никакви потписи“.

„Меси го сака клубот и ние сите сакаме тој да остане. Правиме се што е во нашите можности за Лео да остане во Барселона. Тој сигурно заслужува многу за се што направи за овој клуб“, изјави Лапорта.