Покетино размислува за сензационално враќање во Тотенхем

Тренерот на Пари Сент Жермен, Маурисио Покетино може да се врати во Тотенхем, пренесуваат медиумите на Островот.

Според „Сан“ Аргентинецот не е среќен во Париз и сериозно размислува за враќање во Премиер лигата.

Претседателот на Тотенхем, Даниел Леви ја призна грешката и ќе се обиде да го убеди Покетино да се врати на кормилото на „спарси“.

Тотенхем после отказот на Покетино имаше неуспех со Жозе Мурињо, па сега повторно е во потрага по нов тренер.

Покетино наводно им открил на пријателите дека е спремен да го напушти ПСЖ и да се врати во Тотенхем. Леви се надева дека Покетино може да го убеди Хари Кејн да остане во клубот.