Еден од најпознатите италијански новинари Алфредо Педула кој пишува за „Газета дело Спорт“ пренесува сензационална веста – Игор Ангеловски може да стане тренер на Џенова.
Педула екскуклузивно објави дека можно е во новата сезона Давиде Балардини да не биде на клупата на овој тим после обезбедувањето опстанок, а наводно на претседателот прва мета е Ангеловски.
Диск голф го освојува светот, а го нема во Македонија!? ↓↓↓
Ангеловски во едно свое интервју неодамна и посочи дека сонува да стане тренер на некој клуб во Серија А, па сега можеби сонот ќе му се оствари.
Во текстот на Педула се потенцира дека ангажманот на Ангеловски на клупата веројатно ќе значи и продолжување на Горан Пандев да игра уште една сезона. Педула се обидел да добие и коментар од Ангеловски, на оваа тема.
„Сега сум фокусиран само на Европското првенство. За останатото ќе зборуваме кога ќе дојде време“, одговорил Ангеловски.
Ќе потсетиме договорот на Ангеловски со Фудбалската Федерација на Македонија има важност до завршувањето на ЕП и не се знае дали истиот ќе биде продолжен.
— Alfredo Pedullà (@AlfredoPedulla) May 23, 2021