Кагава останува во Борусија Дортмунд до 2020 година

Германскиот прволигаш Борусија од Дортмунд го продолжи договорот со јапонскиот играч за врска Кагава до летото 2020 година.

Јапонецот во Борусија стигна пред седум години од Церезо Осака, а во 2012 година се пресели во Манчестер Јунајтед, од каде во 2014 се врати во Дортмунд.

„Навивачите на Борусија се неверојатни, навистина ми се исклучително драги. Многу сум среќен што ќе останам во овој одличен клуб“, изјави Кагава.

Кагава минатата сезона одигра вкупно 30 натпревари на кои постигна 6 гола и запиша 8 асистенции.