Капело со критики до Јувентус и Милан: Како може тие да бидат дел од некаква Суперлига?

Легендарниот италијански тренер Фабио Капело испрати критики за Јувентус и Милан после меѓусебната пресметка на двата тима која ја доби Милан со 0:3.

Милан победи и така му направи на Јувентус една комплицирана ситуација во борба за место во Лигата на шампионите. За Капело дербито било подпросечно и се запраша што Јувентус и Милан и бараат во Суперлигата.

„Јувентус играше срамно, како да не постоеше на теренот. Во првото полувреме двата тима имаа толку погрешни додавања што се прашувам како можат да бидат дел некаква Суперлига“; изјави Капело.

Капело во кариерата ги водеше Милан и Јувентус, а беше дел и од Рома, ги водеше репрезентациите на Русија и Англија, негов последен клуб во кариерата беше Џингсу Сунинг.