Рајан Гигс на 28 април ќе мора да се појави на суд

Селекторот на фудбалската репрезентација на Велс и поранешен играч на Манчестер Јунајтед, Рајан Гигс денес е обвинет за нанесување телесни повред ии напад за инцидентот кој се случи минатиот ноември, пренесуваат британските медиуми, а на 28 април ќе мора да се појави на суд.

Како што пренесува „Би-Би-Си“ манчестерската полиција навела дека Гигс е обвинет за нанесување телесни повреди на жена од 30-тина годиан и напад на девојка од 20 години во инцидентот кој се случил во вечерните часови на 1. ноември.

Гигс после нападот на својата девојка беше уапсен па пуштен со кауција. Полицијата во Манчестер тогаш соопшти дека жената претрпела полесни повреди и дека немало потреба да биде задржана на лекување.

Адвокатите на славниот фудбалер објавија дека тој ги негирал обвиненијата и дека соработува со полицијата.