Мурињо: Не ми е гајле што кажал Погба

На Жозе Мурињо не му оди баш најдобро во Тотенхем, а таа прилика ја искористи Погба кој испрати за неговиот поранешен тренер.

„Тоа што го имам сега со Оле е поинакво, тој не би отишол против фудбалерите. Можеби Оле нема да го одбере фудбалерот, но не го става на страна како тој да не постои веќе. Тоа е разликата меѓу Мурињо и Оле. Кога имав добар однос со Мурињо, сите го гледаа тоа, но следниот ден работите се менуваа. Тоа е чудна работа која ја имав со Мурињо, не можам да ви објаснам што точно беше проблемот бидејќи дури ни јас не знам“, гласеше изјавата на Французинот.

По таа изјава на Погба новинарите ги интересираше што има да каже Мурињо на тој коментар на Погба.

„Искрено, не ми е гајле што кажал Погба, не сум заинтересиран да зборувам на оваа тема. Тоа е се што имам кажам“, одговори Мурињо за „Скај Спорт“ по вчерашното реми на Тотенхем против Евертон (2:2).