Де Лихт: Тешко е да се преживее ваков пораз

Јувентус синоќа ги разочара своите навивачи откако беше елиминиран во осминафиналето од Порто во Лигата на шампиони.

„Старата дама“ беше елиминирана после продолженија, иако од стартот на второто полувреме играше со играч поваќе.

Дефанзивецот Матијас де Лихт истакна дека е тешко да се преживее ваква рана елиминација од ЛШ.

„Повеќе од 60 минути игравме со играч повеќе. Игравме против десет фудбалери и вакво сценарио е тешко да се преживее. Мислам дека лошо го отворивме натпреварот“, изјави Де Лихт.

„Во второто полувреме игравме добро, игравме брзо и создававме шанси, постигнавме два гола, но топката едноставно не сакаше во гол. Тешко е да се преболи елиминацијата од ЛШ во март“, додаде дефанзивецот.