„Нула“ на Работнички и Шкендија, деби триумф за Васоски со „пандевци“, Ренова убедлива против Вардар

Денес на програмата во македонскиот фудбал беше 21. коло.

Работнички уште еднаш покажа дека е во добра форма и на Арената „Тодор Проески“ одигра 0:0 со Шкендија. Гледавме еден натпревар во кои и двете екипи во одредени периоди имаа свои моменти, но на крајот мрежите мируваа.

Вардар одигра слаб натпревар и доживеа убедлив пораз од Ренова на гости кај Ренова. Ренова славеше со 3:0, а головите ги постигнаа Шефити и два Селмани.

Александар Васоски дојде до прв триумф со Академија Пандев. „Пандевци“ на домаше терен славеа со Македонија Ѓорче Петров со резултат 2:1. Радески ги доведе Струмичани во водство после 10 минути игра, Божиновски изедначи во вториот дел, а Крстоски на четири минути пред истекот на регуларните 90 донесе победа за домаќините.

Пелистер со гол во 92. минута дојде до победа против Струга Трим Лум, минимална победа запиша и Шкупи на гости во Кратово кај Силекс, додека Борец дома триумфираше со Беласица 2:1.

Фото: ФК Работнички