Милан одлучи, ќе го откупи Томори

Факијо Томори во јануари пристигна во Милан како позајмен фудбалер од Челзи.

После повредата на Кјаер, Томори дебитираше за Милан во дербито против Интер, а потоа беше стартер на следните два меча и одигра одлично.

Синоќа одигра фантастичен натпревар против Рома и го истисна капитенот Ромањоли од тимот, па англискот репрезентативец ги воодушеви сите во Милан.

Милан во договорот има опција да го откупи на лето за 28 милиони евра, а италијанските медиуми откриваат дека „росонерите“ се спремни да го задржат.

Малдини наскоро ќе започне преговори со Челзи за да го договори начинот на плаќање и ќе побара сумата да биде платена на две или три рати.

23-годишниот дефанзивец исто така е спремен да остане во Милан и да потпише долгогодишен договор.