Тодоров: Горд сум на овие 15 момци, нашата најголема победа е што растеме

Репрезентацијата на Македонија со две победи го заврши настапот на турнирот во Перм.

Момците на Александар Тодоров победија против Италиај и Естонија, но за жал поради повисокиот пораз од Естонија во Скопје останавме без пласман на Европското првенство.

Селекторот Александар Тодоров е задоволен од она што го прикажаа кошаркарите. Воедно тој му го честиташе и 23. роденден на Ненанд Димитријевиќ.

“Нашата најголема победа е што никогаш не паѓаме, туку растеме се повеќе, секој пат штом паднеме. Благодарност до сите во тимот за ова неверојатно, но не целосно исполнето патување. Горд сум што бев тренер на овие 15 момци.

И да не заборавам, среќен роденден Нено“, порача Тодоров.