Червар шокиран од смртта на Сарачевиќ: Не ми е јасно, беше вистински спортист

Смртта на легендарниот хрватски ракометар, Златко Сарачевиќ предизвик шок на целиот простор на поранешна СФР Југославија.

После шокантната вест се огласи и Лино Червер кој не може да си поверува дека Сарачевиќ не е повеќе помеѓу нас.

„Не ми е јасно, во шок сум. Знам деке не беше болен, вистински пример за спортист и ракометар. Ми беше помошник на Европското првенство 2018. Најважно е што беше голем човек, на никого му немаше кажано лош збор и никој не може за него да каже нешто лошо. Не го кажувам ова затоа што него го нема, туку затоа што е вистина“, изјави Червар.

Сарачевиќ почина вчера откако му се слошило по натпреварот во кој неговата Подравка славеше против Локомотива Загреб.