Откриена првата трансфер желба на Солскјер

Дефанзивецот на Севиља, Жул Кунде е трансферна цел на Манчестер Јунајтед, пренесуваат медиумите на Островот.

Менаџерот на „црвените ѓаволи“, Оле Гунер Солскјер останал воодушевен од квалитетите на 22-годишниот дефанзивец и ќе се обиде да го донесе на „Олд Трафорд“ на лето.

Кунде има договор со Севиља до 2024 година со откупна клаузула од 82 милиони евра, па на Јунајтед нема да му биде лесно да го доведе, бидејќи и конкуренцијата е голема.

Дефанзивецот игра одлична сезона и го привлече вниманието на многу европски гиганти, пред се на Реал Мадрид, кој во него гледа наследник на Серхио Рамос.

Примарна цел на Јунајтед на лето ќе биде доведување на врвен дефанзивец, а Кунде е првата желба на тренерот Солскјер.