Официјално: Милик има нов клуб

Напаѓачот на Наполи, 26 годишниот Аркадиуш Милик од оваа зима ќе игра во француската Лига во дресот на Марсеј.

Трансферот е официјализиран вчера вечерта откако Милик ги помина лекарските прегледи. Во Марсеј тој ќе настапува како позајмен играч, а францускиот клуб ќе има можност да го откупи неговиот договор.

Од овој трансфер Наполитанците би требало да инкасираат околу 8-9 милиони евра, плус преку бонуси 3-4. Освен тоа тие договорија и 20% од сумата од следната продажба на Милик.

Во Наполи Милик помина четири ипол години и оствари учинок од 48 голови во 122 одиграни натпревари.

⚪️🔵 Arkadiusz #Milik est olympien ! L’#OM officialise le prêt avec option d’achat du buteur polonais. Il est qualifié pour le match face à Monaco samedi soir. pic.twitter.com/CmsLN31xm9

— Mohamed Bouhafsi (@mohamedbouhafsi) January 21, 2021