Клоп спреми 50 милиони за ѕвезда од Бундес лигата

Клубовите од Премиер лигата, пред се Ливерпул, се заинтересирани за услугите на фудбалерот на Борусија Мехенгладбах, Денис Закарија.

Станува збор за 24- годишен фудбалер од средниот ред кој импресионира оваа сезона со настапите во Бундеслигата.

Закарија може да игра на сите позиции во средниот ред, а „Билд“ пренесува дека Ливерпул веќе стапил во контакт со неговиот агент и е спремен да плати 50 милиони евра.

Интерес за швајцарскиот репрезентативец покажуваат уште Тотенхем, Манчестер Јунајтед и Баерн Минхен, па поради тоа „црвените“ брзаат и сакаат да ја победат конкуренцијата.