Евертон бара објаснување за одложениот натпревар против Манчестер Сити

Meчот помеѓу Евертон и Манчестер Сити требаше да се игра вчера, но тој дуел се одложи и ќе се одигра на некој датум во 2021 година.

Натпреварот од 16. коло во Премиер лигата не беше одиграни затоа што се појавиле случаи на коронавирус во Манчестер Сити. Раководството на Премиер лигата го одложи натпреварот, но на „Гудисон“ бараат објаснување како дошло до таков исход.

„Евертон жали поради одложувањето на натпреварот со Манчестер Сити, не само поради 2.000 навивачи кои дојдоа тука, туку и поради сите ширум светот. Нашите играчи беа спремни да го играат натпреварот како и сите во клубот. Еден натпревар е најважниот датум во нашиот календар, а ова беше и голем натпревар. Ќе бараме објаснување и објавување на сите информации кои ги приложил Сити за да дојде до ваква одлука“, соопштија од Евертон.

🔵 | Club Statement: Manchester City fixture postponement.#EVEMCI https://t.co/Q5ddxKYpyy

— Everton (@Everton) December 28, 2020