Милан носи дефанзивец од Лондон

Приоритет на Милан во зимскиот преоден рок ќе биде доведување на центрачен дефанзивец.

„Росонерите“ се поврзуваа со неколку имиња, а италијанските медиуми пренесуваат дека започнале преговори со дефанзивецот на Тотенхем, Давинсон Санчез.

Санчез пред три години пристигна во Тотенхем од Ајакс за 40 милиони евра и имаше две одлични сезона во дресот на „спарси“.

Оваа сезона Мурињо не му дава голема минутажа, па Колумбиециот е спремен да ја промени средината уште во јануари.

Агентот на 24-годишниот дефанзивец наводно веќе постигнал договор со италијанскиот гигант, а Тотенхем за неговата слобода бара 20 милиони евра.

Милан во наредните денови ќе испрати понуда за позајмица до крајот на сезоната со право на откуп следното лето.