Кавани обвинет за расизам, се огласи и Манчестер Јунајтед 📸

Фудбалската асоцијација на Англија денес отвори процес против напаѓачот на Манчестер Јунајтед, Едисон Кавани поради наводен расизам.

Напаѓачот на „црвените ѓаволи“ на Инстаграм му се заблагодари на на пријателот за честитката за двата гола против Саутемптон, а во таа прилика го нарече „негрито“, односно црни.

Манчестер Јунајтед веднаш излезе со соопштение тврдејќи дека нивниот фудбалер овој збор го користел во поинакво значење.

„Клубот Манчестер Јунајтед и сите наши играчи се максимално посветени во борбата против расизмот и ќе продолжиме да соработуваме со Фудбалската асоцијација. Едисон и клубот се јасни дека не постоела никаква зла намера во пораката. Тој ја избриша и се извини на јавноста порачувајќи дека може да биде погрешно сфатена“, стои во соопштението од на Јунајтед.